Поиск
  • sasklib

Сила Книги

Ыам ыйын 27 кунугэр бутун Россия урдунэн библиотека кунэ бэлиэтэнэр. Бу идэлээх библиотекарьдар эрэ бырааһынньыктара буолбатах, бу кинигэни таптыыр, ааҕары сөбүлүүр, кинигэ дьон-сэргэ олоҕор, омук култууратыгар, историятыгар, общественнай олоҕор улахан суолталааҕын өйдүүр дьон эмиэ бырааһынньыктара.


Биһиги бары да кыра эрдэхпититтэн кинигэни ааҕа, көрө улаатабыт. Оттон оскуолаҕа саамай туһанар кинигэлэрбит - биһиги учебниктарбыт буолаллар. Бары билэрбит курдук кинигэ араас буолар. Сорох кинигэ билиини хаҥатар. Сорох кинигэ дууһаны долгутар, сорох кинигэ киһини куйаарга көтүтэр. Ол иһин киһи бэйэтин уйулҕатынан, толкуйунан, уратытынан сөбүлүүр кинигэлээх буолар.


Ыам ыйын 27 кунугэр улуустаа5ы библиотека5а “Силакниги” республиканскай акция ытылынна. Маннык акция сахабыт сиригэр 34 улууска уонна 2 куорат уокуруктарыгар ыытыллынна. Манна государство, республика уонна муниципальнай былаастар бэрэстэбиитэллэрэ оҕолорго, дьоҥҥо-сэргэҕэ сөбүлүүр уус-уран айымньыларын аахтылар.


Ол курдук, биһиэхэ Алексей Петрович Николаев- Саскылах нэьилиэгин баhылыга ыалдьыттаан ааста. Кини биһиэхэ оҕо сылдьан сөбүлээн аахпыт айымньыларын “Таал-таал эмээхсин”, “Ботуук уонна куоска”уонна “Байбаллаах Мэхээлэ быhылааннара” ааҕан иһитиннэрдэ. Кыттыыны ыллылар «Чуораанчык» уонна «Тугутчаан» улахан группа иитэччилэрэ. Оҕолор остуоруйалары болҕомтолоохтук, собулээн, сэнээрэн иhиттилэр. Боппуруостарга кехтеехтук эппиэттээтилэр.

Кыттыыны ылбыт оҕолорбутугар уонна Алексей Петровичка барҕа махталбытын биллэрэн туран, бастакы республикатааҕы акцияҕа кыттыыны ылбыттарыгар сертификат туттардыбыт.

Библиотекага сылдьын, элбэҕи ааҕын, билиигитин ханатын !


Кылтасова Л.А.

специалист улусной библиотеки



Просмотров: 2

© 2018 «Анабарская ЦБС».